Sesebutan Wanci dina Basa Sunda

Ngaran-Ngaran Waktu Dina Sapoé Sapeuting Dumasar Kana Kajadian Alam

No	Wanci	Kira-kira Tabuh	Katerangan
1	Wanci tumorék	00.30	wanci keur meujeuhna saré tibra
2	Wanci janari sapi	01.00
3	Wanci janari leutik	01.30	wanci liwat tengah peuting
4	Wanci janari gedé	02.00
5	Wanci disada rorongkéng	02.30	wanci disada kongkorongok hayam sakali
6	Wanci haliwawar	03.00-03.30	wanci disada kongkorongok hayam dua kali
7	Wanci janari	04.00
8	Wanci balébat	05.00	udat-udat beulah wétan dina waktu rék pajar
9	Wanci carancang tihang	05.30	wanci liwat pajar, téténjoan remeng-remeng kénéh
10	Wanci murag ciibun/meleték sarangéngé	07.00	wanci mimiti témbong panonpoé, ciibun nu ngagarenclang dina dangdaunan mimiti murag
11	Wanci haneut moyan/laér kanjut nya	08.00	wanci keur sedeng dipaké moyan
12	Wanci rumangsang	09.00	wanci sabada haneut moyan panonpoé mimiti karasa panas
13	Wanci pecat sawed	10.00-11.00	(munding nu dipaké magawé dilaanan/dipecat sawedna tina beuheung munding nu narik wuluku/garu), di tempat-tempat panas tabuh 10.00, di tempat-tempat nu hawana tiis tabuh 11.00
14	Wanci manceran/tengah poé	12.00	panonpoé aya di luhureun embun-embunan; panonpoé keur meujeuhna mancer
15	Wanci lingsir ngulon	14.00	wanci panonpoé ngésér ka kulon
16	Wanci panonpoé satungtung	15.00	waktu panonpoé satungtung
17	Wanci tunggang gunung	16.00-17.00	waktu panonpoé geus rék surup ayana dina luhureun gunung
18	Wanci sariak layung	17.00-18.00	wanci layung di langit katénjo beureum
19	Wanci érang-érang	17.30-18.00	waktu panonpoé rék surup
20	Wanci sareupna/harieum beungeut	18.00-18.30	waktu geus mimiti reup poék
21	Wanci sareureuh gaang	19.00	waktu gaang eureun disada
22	Wanci sareureuh budak	21.00	waktu barudak leutik geus mimiti saré
23	Wanci sareureuh kolot	22.00	waktu kolot mangsana reureuh
24	Wanci tengah peuting	24.00