Teks Drama Bagian 6

Rukun Tetangge Desa Maju Mundur

Di sebuah Desa ade 2 gadis remaja yang udah temenan deket namanye Fatimeh ame Jamileh, mereka masih sekoleh kelas 1 SMP, tapi mereka kagak di setujuin ame orang tua nye tok sahabatan !

Di pagi hari Fatimeh mau berangkat ke sekolah

Fatimeh : “Nyak, Beh aye berangkat sekola dulu ye ?”
Pak Soleh : “Oh, iye ati-ati lu dijalan.”
Fatimeh : “Ye, beh assalamualaikum.” (Mencium tangan babe)
Pak Soleh : “Walaikumsalam”
Mpok Lela : “Bang si timeh dah berangkat sekola ?” (Sambil menepuk bahu lakinye)
Pak Soleh : “Udahlah tadi pan dia pamit”
Mpok Lela : “Oh, pas aye lagi nyuci piring kalie yeh bang, pantes kagak kedengeran tuh anak pamit !”

Di Gapura desa, Fatimeh berhenti sebentar, karena sedang menunggu sobatnye Jamileh

Fatimeh : “Busssset dah tuh bocah alam bener ! bisa telat nih !! Eh penonton… kemane ya si Mileh ?”

Kagak lama kemudian Jamileh dating

Jamileh : “Nyok kite berangkat ntar kite telat lagi.”
Fatimeh : “Ya udeh nyok….”

Di tempat lainnye, mpok-mpok lagi belanja sayur di warungnye Mpok Neni

Mpok Ipeh : “Mpok… beli !”
Mpok Neni : “Eh mpok ipeh, mo beli ape mpok ?”
Mpok Ipeh : “Nie mpok aye mao beli sayur asem ame temped ah ! Berape nie mpok semuanye ???”
Mpok Neni : “5000 aje nie mpok !”

Kagak Lama kemudian Bu RT dating

Bu RT : “Eh, mpok agi pade ape ?”
Mpok Ipeh : “Aye lagi beli sayuran lah, kan nie warung sayuran. Masa aye mau beli kaos kaki lu ?”
Bu RT : “Masya Allah, nie mpok-mpok ngomongnye ! aye kira pada mincing ikan….”
Semua : “Hahahahaha !!!”

Gak lama kemudian Mpok Leha pun dating ke warung

Mpok Leha : “Eh… mpok-mpok Leha rame bener. Ade Apaan ?”
Bu RT : “Iye nie mpok, kok belanjanye tumben siang ?”
Mpok Ipeh : “Oiye Mpok Leha, aye mau ngomong ame mpok. Tolong yee bilangin ama anaknye kagak usah lagi deh main sama si Mega !”
Mpok Leha : “Lah, emang kenapa mpok ?”
Mpok Ipeh : “Gini yee, pan anak aye pinter, masa anak lu ngedeketin anak aye biar pinter juga kan ?”
Mpok Leha : “Ehh mpok, punya mulut tu di jaga ! jangan asal ngomong !”

Pak Mandra pun keluar dari rumah

Pak Mandra : “Ehh.. mpok-mpok udeh jangan pada rebut, rempong deh ! pada maapan sonoh ! Ya udeh sono mpok-mpok, kalo mau rebut jangan di depan rumah aye ! Aye jadi kagak konsen ngitungin duit nie…..”
Mpok Neni : “Gaya lu bang selangit !” ( Pak Mandra hanya nyengir kuda)
Mpok Leha : “Ya udeh juga males liat tampang lu.” (sambil membuang muka)
Mpok Ipeh : “Aye juga udah males !”
Bu RT : “Udeh-udeh pada pulang sono ! Ribut aje.”

Mpok Leha sama Mpok Ipeh pun pulang ke rumahnya masing-masing.

Dirumah Mpok Leha

Mpok Leha : “Assalamualaikum….”
Pak Soleh : “Walaikumsalam….”
Mpok Leha : “Bang… bang…. Mase mpok ipeh marah-marah ke aye, gara-gara Fatimeh maen ame Jamileh.” (Dengan nada cepat)
Pak Soleh : “Ya elah lu ngomongnya pelan-pelan nape, slow down baby !”
Mpok Leha : “Ih… si abang aye serius !”
Pak Soleh : “Mangnye kenape si timeh maen sama si mileh ? Kagak Boleh ?”
Mpok Leha : “Katanye si timeh maen ama si mileh biar ketularan pinter, terus kata nye kalo ade PR biar si Mileh yang ngerjain tus anak kite nontek ke si mileh. Kurang ajar banget pan bang ?” (Dengan nada marah)
Pak Soleh : “ ? Kagak Boleh ?”
Mpok Leha : “Katanye si timeh maen ama si mileh biar ketularan pinter, terus kata nye kalo ade PR biar si Mileh yang ngerjain tus anak kite nontek ke si mileh. Kurang ajar banget pan bang ?” (Dengan nada marah)
Pak Soleh : “Ya udeh lu gak usah sewot biar aye yang nomong ame lakinye ! Ape perlu aye kecilin lagi tuh lakinye !”

Beberapa jam kemudian Fatimeh pulang sekolah

Fatimeh : “Assalamualaikum”
Pak Soleh : “Walaikumsalam, duduk bentar babe mau ngomong ame lu.”
Fatimeh : “Ade ape beh kelihatannye penting bener ?”
Pak Soleh : ”Emang bener lu maen ame si Mileh ada maunye ?”
Fatimeh : “Maksud babeh ?”
Pak Soleh : “Ntu tadi nyak nye si mileh ngomong amen yak lu !”
Fatimeh : “Udeh lah beh, kagak usah didengerin. Oia beh besok aye ada pembagian rapot.”

Keesokan harinya waktu pembagian rapot, si Jamileh mendapatkan rangking 1, si Fatimeh dapat rangking 7. Sehabis pembagian rapot si Jamileh sakit hingga dia tidak masuk sekolah dan Jamileh pun ketinggalan pelajaran.

Dirumah Jamileh

Jamileh : “Beh aye ke rumah Fatimeh dulu ye ?”
Pak Ismed : “Ape lu kate !? Ngapain lu kesono dah tau babeh kagak suka lu maen sama die !”
Jamileh : “Beh, kan aye kagak sekoleh selama sakit, jadi aye ketinggalan pelajaran ! Boleh ye beh ?” (Merayu Pak Ismed)
Pak Ismed : “Eh lu dibilangin jangan, ya jangan ! Ntar nyak lu tau lu dimarahin, pan lu dah pinter.”
Jamileh : “Yaelah gitu amat ! Ya udeh aye kerumah mineh aje (mencium tangan Pak Ismed dengan muka rada ngambek). Assalamualaikum !!”
Pak Ismed : “Waalaikumsalam… Awas lu sampe maen ke rumah si Fatimeh.”
Jamileh : “Iye beh.” (Sambil berjalan keluar rumah)

Diam-diam Fatimeh janjian sama Jamileh dibawah pohon dekat gapura desa. Jamilah pun sudah menunggu Fatimeh 15 menit yang lalu.

Jamileh : “Buset dah si Timeh lame amet ye, jam berapa ni ye ? Eh PENONTON… jam berape ye sekarang ?”

Beberapa menit kemudian

Fatimeh : “Sorry, sorry lama ye, ntu tadi aye abis ngeliat kucing tetangge kawin dulu noh di sono pan rayain !!!”
Jamileh : “Yaekah lu ade-ade aje ! Kagak sekalian aje noh ayam, kambing, sapi, kebo, monyet, bebek, burung, ikan.” (Dengan nada ngambek)
Fatimeh : “Stop-stop lu kira dagang ! Iye dah maaf aye telat, aye abis bantuin nyak dulu pan kalo buru-buru ketauan. Ya udeh langsung kepokok permasalahannye !”
Jamileh : “Betul.. betul.. betul.. “
Fatimeh : “Hahaha lucu lu !”
Jamileh : “Ya udeh sih sepele ! Jadi gini….”
Fatimeh : “Owh…”
Jamileh : “Oh apenye pan aye belum cerita ! Songkil lu…”
Fatimeh : “Yee… ya udah ape ?”
Jamileh : “Jadi gini, pan kita kagak boleh temenan amen yak babe kite, gimane caranye biar kite kagak backstreet lagi ?”
Fatimeh : “Lu kira kite PACARAN ??! Iye nih aye jugta bingung ma nyak babe aye, mereka pada negative semue”
Jamileh : “Iye nih babe aye yang paling ganteng noh kagak bolehin aye nanye pelajaran, yang pas aye sakit kemaren, ngomong-ngomong aye ketinggalan banyak pelajaran nih, aye liat catetan ente dong…. Heheheheh”
Fatimeh : “Apaan babe lu GANTENG ? Eh PENONTON bener tuh babenye Jamileh GANTENG ??? Ya udeh itu mah gampang, lu bawa aje nig buku aye.
Jamileh : “Makasih (Tersenyum) nah terus intinye fimane nih biar kite bebas temenan ??”
Fatimeh : “Ye udeh salah satu jalan kite harus sabar ! Masa iye ortu kite pade rebut mulu ampe 3 kali pause 3 kali lebaran !”
Jamileh : “Hahahahah lu kire bang toyib ?!”

Karena obrolan mereka yang terlalu lama, maka cerita ini di skip dan suasan berganti pada sore hari dan mereka pulang.

Malamnya Pak RT dating ke rumah Pak Ismed

Pak RT : ”Assalamualaikum”
Pak Ismed : “Walaikumsalam ! Eh Pak RT ade ape Bapak dating kemari ? Ayo silahkan duduk Pak RT.”
Pak RT : “Nie aye mao ngasih tau, besok di desa kite ade rapat, tempatnye di gedung serba gune.”
Pak Ismed : “Oh ya udeh Pak RT Insya Alah aye dateng.”
Pak RT : “Iye dong Harus, Kudu, Wajib datang, kalo gitu aye pulang dulu ye, aye mau kasih tau yang laen.”

Pak RT pun pergi kerumah Pak Soleh

Pak RT : “Assalamualaikum”
Pak Soleh : “Waalaikumsalam, ade ape pak ?”
Pak RT : “Aye Cuma ngasih tau besok kite rapat di gedung serba gune, eh ade pak Mandra, jangan lupe pak datang besok !”
Pak Soleh : “Iye Pak RT.”
Pak Mandra : “Tenang-tenang kite pasti dating ko Pak RT. Bisa diatur.”

Keesokannya

Pak Soleh : “Leha aye mau berangkat, ade rapat.”
Mpok Leha : “Iye bang…..”
Pak Soleh : “Assalamualaikum”
Mpok Leha : “Walaikumsalam.”

Sesampainya di gedung rapat Pak Soleh dan Pak Ismed adu mulut masalah anaknya

Pak Ismed : “Eh lu kasih taut uh anak lu jangan deket-deket sama anak aye lagi.” (Menunjuk dengan jari)
Pak Soleh : “Eh siape juge yang ngedeketin anek lu, GR gila !”
Pak Ismed :”Ape lu kate aye gibing bengek lu ! Anak aye mah udah pinter anak situ apaan…..”
Pak Soleh : “Ehh lu jhangan sok ye, gua kecilin tambah kecil tuh badan lu mao lu ? Liat aje ntar anak aye lebih pinter dari anak lu.”
Pak Mandra : “Weeitz, Bapak-bapak plis deh… rebut aje Ngerebutin aye…”
Pak Ismed : “GIGI LU GENDUT !”
Pak Mandra : “Nah terus apaan ?”
Pak Soleh : “Tuh si Ismed sok banget !!!”
Pak Ismed : “Emang anak aye lebih pinter”
Pak Mandra : “Oh…. Masalah ini ? Rempong deh… kagak bapak, kagak emak yang diributin same aje. Udah-udah, rapatnye mau dimulai nih…”

Setelah 1 jam rapat pun selesai dan mereka pulang kerumahnya masing-masing.

Enam Bulan kemudian Fatimeh dan Jamileh bagi rapot lagi, dan hasilnye yang dapat rangking 1 Fatimeh dan Si Jamileh dapet Ranking 10

Mpok Ipeh marah dan pergi ke rumah Mpok Leha

Mpok Ipeh : “Assalamualaikum”
Mpok Leha : “Waalaikumsalam ! Eh ngapain lu kemari ngajak rebut ?!?”
Mpok Ipeh : “Iye, aye mo ngomong, bener pan kate aye, anak lu tuh ngedeketin anak aye ade maunye.”
Mpk Leha : “Ihh….. amit-amit 7 turunan 7 tanjakan 7 belokan 7 pengkolan 7 rumahan 7 kuburan, anak aye emang bisa lebih pinter dari analu, makanye jangan sok jadi orang.”
Pak Soleh : “WOY pade berisik amet sih !? Ganggu aye lagi tidur aje !” (Denagn nada marah)
Mpok Leha : “Iye nih bang Mpok Ipeh, datang-datang langsung marah-marah aje !”
Mpk Ipeh : “Ehh Mpok nggak usah gitu ye pada ngadu-ngadu segale !”
Pak Soleh : “Eh Mpok Ipeh, biarin aje nape ! Bini aye ngadu ke aye ! Pan aye lakinye !” (Sambil keluar rumah)

Pada saat Mpok Ipeh dan Mpok Leha rebut, Pak Ismed melewati rumah Pak Soleh

Pak Ismed : “Eh Pak Soleh, napain lu marah-marahin bini aye ?! Mau ribut lagi sama aye ? Ape perlu aye peletusin tuh jerawatnye ?!”
Pak Soleh : “Ape lu kate ? Badan kecil aja belagu !”
Mpok Leha : “Eh Pak Ismed jangan sok ye lawan laki aye, aye putihin tuh badan pake Bayclin biar tahu rasa dah tuh !”
Mpok Ipeh : “Udeh dah pok kagak usah dan sok belain lakilu.”

Jamileh dan Fatimeh pulang sekolah kebetulan Jamileh bareng dengan Fatimeh dan pualngnya lewat rumah Fatimeh

Jamileh : “Ade apaan tuh dirumahlu, rame bener.”

Jamileh : “Lah-lah-lah ??? Itu pan nyak ame babeh aye kan ?”
Fatimeh : “Ya udeh nyok kite samperin !”

Jamileh : “Nyak, Babeh berantem mulu kerjaannye ! Gak cape ape ? Ya udeh dah LANJUTKAN !!!”

Merekapun melanjutkan berantemnya

Fatimeh : “Ehh pinter amet sih lu ! Orang tue berantem bukannye dipisahin malah di suruh di lanjutin !”
Jamileh : “Abisnye susah dipisahin, ya udeh kite liatin aje ampe kapan selesenye !”

Merekapun hanya menonton, beberapa saat kemudian Bu RT dan Mpok Neni datang

Bu RT : “Aduh mpok-mpok ade ape lagi sih ! Seneng bener pade ribut, udeh jangan pade gitu nape… malu ame tetangge, mangnye ade masalah ape yang diributin ?”
Mpok Neni : “Yaelah Bu RT, palingan masalah anaknye mang apa lagi yang mu diributin kalo bukan masalah itu, iye pan mpok ? Mpok Ipeh dan Mpok Leha iye, mang nape ?”

Tidak ada angina, tidak ada hujan tiba-tiba Pak RT dan Pak Mandra pun datang

Pak RT : ”Ehh PENONTON… pade tau gak ??? pade ngapain tuh rame-rame di sono ?”
Pak Mandra : “Ya udeh nyok kite samperin !”

Sampai di depan rumah

Pak Mandra : “Eh Neni… ngapain lu disini ? Bukannye jaga warung ! Ntar duitnye di ambil tikus baru tau rase !”
Mpok Neni : “Yaelah lu bang lagi seru gini mase aye kagak liat, gak tau ape tuh orang lagi ngapain ?”
Pak RT : “Mang lagi ngapain Mpok ?” (Bu RT nyamperin Pak RT)
Bu RT : “Eh abang…. Mau ngapain ke sini ? Mau liat yang berantem ye ?”
Pak RT : “Emangnye pade berantem lagi ? Masya Allah bukannye di pisahin malah ditonton, nyok kite pisahin.”
Bu RT : “Eh abang mpok udah dung ributnye berisik tau !”
Pak RT : “Udah mpok-bang yang namanye anaki pasti ade yang nilainye turun ade yang nilainye naik, kaya roda berputar ajej ! Udah segala keadaan harus kite terime dengan ikhlas. Sekarang pada maaoan aje, jangan pade ribut mulu, malu ame usie.”
Pak Mandra : “Iye mpok denger tuh ape kate Pak RT, malu ame usie, malu ame tetangge. Udeh ye pada maapan sono.”
Bu RT & Mpok Neni : “Iye bang mpok pade maapan sono.”
Mpok Ipeh : “Iye juga ye mpok berantem mulu bikin cape aje ! Ya udeh mpok aye minta map ye, aye banyak salah !”
Mpok Leha : “Iye mpok jutga minta map, aye juga banyak salah.”

Akhirnya mereka meminta maaf sambil berjabat tangan kepada Ibu, Bapak, dan Warga yang ada di situ.

Jamileh : “Lah udahan tuh pade berantem padahal aye udej siapin cemilan buat nonton, tapi gak ape-ape deh. Alhamdulilah.”
Fatimeh : “Ye…. Baru datang lu dasar !”
Jamileh : “Bener juge kate lu kite harus sabar buat ngadepin masalah.”
Fatimeh : “Ya udeh kite kan sekarang udeh Damai bikin selametan yuk….”
Semua : “Boleh-boleh…”
Pak Mandra : “Ato deh aye yang modalin.”
Mpok Neni : “BELADU LU BANG”
Semua : (Tertawa dengan bahagia)

Malamnya merapun bikin selamatan (makan-makan) buat ngerayain hari damai kampung mereka atau bisa disebut hari maafannya keluarga Pak Soleh sama Pak Ismed. Akhirnya KAmpung Maju Mundur pun menjadi tenang dan tentram.